سراج مسك راس حمزة وخبطها في إزاز العربية بكل قوته لدرجة إن الإزاز اتدمر والدم غرق المكان شلة حمزة حاولوا يتدخلوا سراج لف ليهم وعيونه حمرا زي الدم وصوته هز المنطقة:
اللي هيقرب خطوة هعمله نمرة للجامعة كلها حنان دي تخص سراج……يعني حرمي واللي يرمش لها بعينه
هقتله في مكانه
سراج ساب حمزة وهو مرمي زي الفرخة المذبوحه
بيفرفر في دمه وراح لحنان اللي كانت واقفة بتترعش ومنهارة وبكل جبروت وحب شالها بين إيديه قدام الطلاب كلهم والله عمال يتغزل بقي في سراج بقي ومستغربين قوته وان في حد وقف ل حمزه ابن الشاطئ ده المتكبر بتاع النسوان
وركبها العربية ورزع الباب وراه برزعة خلت الناس كلها تتنافض
ساق بأقصى سرعة وهو بيجز على سنانه ووقف في مكان هادي ولف ليها.. حنان كانت لسه بتبكي بوجع وقهر
بص سراج لحنان اللي كانت قاعدة جنبه في العربية بتترعش وجسمها كله بينتفض من الصمت والقهر
هو كان بيتنفس بعنف وصدره بيطلع وينزل كأنه بركان هينفجر وإيده اللي لسه عليها آثار دم حمزة كانت قبضتها بتبيض من كتر ما هو ضاغط على الدركسيون
سكت ثواني بيحاول يسيطر على غضبه وبعدين لف وشه ليها وعيونه كانت حمرا زي الجمر وزعق بصوت قوي :
اااااحكي!!! اخلصي قولي في إيه…. الكلب ده كان بيتكلم عن فيديو إيه… والدكتور ده طردك ليه يا حنان… انطقي بدل ما أرجع أحرق الجامعة باللي فيها دلوقتي