كانت ماشية بتترنح دموعها نازلة مغرقة وشها وشعرها الأسود مبهدل على كتافها والطلاب واقفين صفين حوالين البوابة اللي بيضحك واللي بيبص بقرف واللي ماسك موبايله وبيفرج صاحبه على الفضيحة اللي حمزة لفقها ليها حنان كانت حاسة إن الأرض بتهرب من تحت رجليها لحد ما لمحت سراج اللي مستنيها بره
سراج كان واقف ساند ضهره على العربية السوداء لابس قميصه الأسود ومشمر كمامهو وبيشرب سيجارة
عينه كانت بتدور في وجوه الطلاب بقلق لحد ما وقعت عليها.. شاف كسرتها شاف دموعها وشاف نظرات الناس ليها
حنان أول ما شافته صرخت صرخة مكتومة وجريت عليه بكل قوتها ومن غير ولا كلمة رمت نفسها في حضنه لفت إيدها حوالين رقبته ودفنت وشها في صدره وهي بتنتفض….. بتترعش رعشة خوف وكسرة خلت سراج يحس إن روحه هي اللي بتتسحب منه
سراج رمى السيجارة من إيده وداس عليها بكل غله وضمها لدرجة إن عضمها كاد يتكسر في إيده وصوته طلع غليظ ومبحوح من كتر الغضب: في إيه يا بت انطقي مين اللي كسر عينك مين اللي خلاكي تخرجي بالحالة دي
حنان مردتش كانت بس بتهز راسها بـ لا وهي غرقانة في عياطها كأنها بتقول له الدنيا كلها جت عليا
في اللحظة دي (ابن الكلب ) خرج حمزة الواد الصايع اللي بيسقط كل سنه بتاع باببييييييي ومامييييي