البارت الخامستوقف زياد في مكانه…. وبصوت اهتزت له جدران الصالة صرخ:
إيه ده بنت نادية الخدامه بتعمل إيه هنا إنت إزاي يا بابا تسمح لبنت اللي أمها كانت السبب في يتمنا تعيش وسطنا.
رؤوف الذي كان قد بدأ يشعر بسكينة غريبة تجاه سيرين رفع رأسه ببطء مرعب. تحولت عيناه إلى كتلة من الجمر المشتعل. اسم “نادية” لم يكن مجرد اسم بل كان لعنة فتحت جروح السنين التي حاول خياطتها بالوجع والغربة. أما جابر المعلم فقد انتفض من مكانه وكأن تيارا كهربائيا ضرب جسده سقطت السكينة من يده لترتطم بالطبق وتحدث رنة حادة استفزت السكون المريب الذي ساد المكان.
جابر بصوت جهوري هز الحيطان وقبض القلوب:
“نادية إنت بتقول إيه ياض نادية مين”
زياد… والغل يملأ قلبه ليس كراهية في سيرين… بل ثأراً من دماء نادية التي ظن أنها تجري في عروقها وأشار بإصبعه الذي يرتعش نحو سيرين المنكمشة على نفسها:
“نادية يا بابا نادية الخادمة اللي كانت في بيت عمي زيدان اللي سرقت وحرقت البيت وكانت السبب في موت عمي وهجرة مراته *ماهيتاب* الحارة كلها عارفة إن دي بنتها.. إزاي يا معلم رؤوف يا كبيرنا مأوي في بيتك بنت الست اللي ضيعت ميساء…..ميساء اللي لحد دلوقتي مانعرفش أرضها من سماها والسبب هي نادية”