(جاي تفوق دلوقتي علي الطلاق لشلوحك استني عليا )
*****
رؤوف فتح باب الجناح الملكي في واحد من أفخم الفنادق وأول ما دخلوا ميساء وقفت مبهورة
الجناح كان عبارة عن قطعة من الجنة الحيطان زجاجية كاشفة نيويورك كلها من فوق والأثاث مودرن وراقي جدا
والإضاءة هادية بتدي إحساس بالراحة
ميساء بدأت تتحرك في المكان ببطء بتلمس التحف بإيدها وتتفرج على اللوحات
ورؤوف واقف ساند ضهره على الباب ومربع إيده مراقب حركاتها بابتسامة هادية كان مبسوط إنها بدأت تخرج من قوقعة الحزن وتتفاعل مع المكان اه جزء بسيط من اللي شافه افتكر امبارح لما لقها في وسط نومها كانت بنصرخ وشكله طبعا كابوس من كوابيس نادية المشكلة انه هو بيفكر معقولة هي كانت ناسية وانا اللي صحيت كل الكوابيس دي ولا هي كانت بتعاني وبتخب علينا حتي اول مهو أنقذها في الحارة كانت هشه اووي وبتعيط ولما قعدت فترة عندهم اتعودت علينا شوية وحستها اللي محتاجهاه فعلا احتواء بس وتكون حلوة وطبيعه هي فعلا محتاجه داعم وثقة في نفسها بس
ميساء دخلت المطبخ الصغير الملحق بالجناح ولقت تلاجة مليانة بكل أنواع الشوكولاتة والفاكهة اللي بتحبها لفت وشها وبصت لروؤف بتساؤل فرؤوف رد عليها وهو بيقرب منها: