شروق أول ما سمعت الكلام عينيها وسعت وحست إن دمها جمد في عروقها وقالت بكسوف وشهقة مكتومة وهي مش مصدقة: قصدك أفلام إباح***
You mean… P*rnography
زياد هز راسه بمرارة وهو باصص للأرض: أيوة يا شروق هو ده اللي الكلاب عملوه
شروق وشها قلب أحمر من الكسوف وحطت إيدها على بوقها وهي حاسة إن قلبها بيتقطع على حنان الكلمة كانت تقيلة أوي عليها وصدمتها خلتها تدمع بصت لحنان اللي كانت لسه واقعة في الأرض وبتبكي بكسرة وحست بوجع ملوش وصف شروق مقدرتش تمسك نفسها جريت على حنان ورمت نفسها في حضنها وهي بتعيط:
Oo my god
يا إلهي يا حنان أنا آسفة جدا Iam sorry والله العظيم أنتي أنضف منهم كلهم متعيطيش يا حبيبتي
زياد هو كمان مقدرش يفضل واقف يتفرج ساب عكازه وسند على الكنبة ونزل قعد جنبهم وخد حنان وشروق في حضنه ودموعه نزلت غصب عنه: حقك علينا يا حنان وحق اللي خلقني لأخلي سراج بكرة يقطع لسان كل واحد شاف الفيديو ده أو صدقه أنتي ست الستات والكلاب دول حسابهم معايا أنا وسراج بكرة
حنان كانت في وسطهم زي الطفلة التايهة بتشهق بوجع وهي حاسة إن الدنيا كلها اسودت في وشها بس حضن زياد وشروق طمنها شوية إن لسه فيه ناس واثقة فيها
سراج كان لسه فوق بيرزع في الأبواب ويشتم وصوته واصللهم تحت وهو بيقول: والله لـ أفشخ الدكتور اللي صدق الهايف ده.. إبن المرة الوسخة.. ااآخ يا ولاد الـ ***