زياد بصلها وهو بيفطس من الضحك وفي نفس الوقت دمه محروق وقالها بصوت واطي: اسكتي يا شروق انتي اللي مؤدبه هههه اسكتي علشان سراج دلوقت راكبه إبليس.. الكلمة دي يا حبيبتي لو عرفتي معناها بجد هتعمليها على نفسك من الخوف دي لغة المدابح يا شروق.. غوري من قدامه أحسن ما يطبق العكاز في زمارة رقبتك ويعملوا معايا كمان والله
سراج سابهم وطلع يرزع باب أوضته بكل قوته وحنان وقعت في الأرض وهي بتشهق من سراج اللي قلب وبقى واحد تاني خالص مبيعرفش يرحم
ماهيتاب قربت منها هي وزهرة وهي بتترعش وخدتها في حضنها: قومي يا بنتي.. قومي يا حنان الله يخرب بيت الجامعة على بيت اللي عمل فيكم كدة سراج اتجنن يا جابر الواد عقله طار بس لي حق الدنيا بقت وحشه اوووي ربنا ينتقم منهم ويشوفوا في عيالهم
زياد كان واقف ساند على عكازه وعيونه فيها لمعة غريبة غضب ممزوج بضحكة مكتومة على شكل شروق اللي كانت هتموت من الرعب
بص لشروق وقالها بضحك : شوفتي يا خواجاية بكرة لما نروح الجامعة هتشوفي مهرجان فأحسن لك سدي ودنك بقطن علشان الكلام اللي هيتقل بكرة
انا مش ناقصه اقولك يعني اي ي اختي
شروق ردت: طب فهمني انت رخم ومش فاهمة حاجة يعني فربمك
زياد بصلها وضحك: اسمها فيديو متفبرك حتي لسانك بايظ ههه تعالي هقولك قرب من ودن شروق وقالها بصوت واطي بصي يا شروق المتفبرك ده يعني جابوا وش حنان وركبوه على فيديو لواحدة تانية وهي بتعمل حاجات مش كويسة يعني كأنها نايمة مع واحد ومركبين جسمها على أوضاع وحشة وقذرة جدا علشان يفضحوها ويقولوا إنها ماشية بطال يعني بنت بتاعت رجالة فهمتي