ميساء بدأت تهدا وتفكر في كلام شروق : تفتكري ده هيجيب نتيجة معاه بجد
شروق بضحكة ناعمة وثقة : أكيد Trust me(ثقي فيا) أنتي بس وافقي بدم بارد وسيبي الباقي على الوقت
المهم تدخلي مملكته الأول وبعدين اقلبي الترابيزة عليه
في اللحظة دي الباب خبط ودخل رؤوف بطلته المرعبة وهيبته اللي بتملا المكان
رؤوف : على أوضتك يا شروق عاوز ميساء في كلمتين
شروق قامت وغمزت لميساء بمكر وخرجت من جنب رؤوف وهي بتمخطر وبتقول بنعومة :
شروق : Good luck Big Boss (حظ سعيد يا كبير)
رؤوف قفل الباب وبص لميساء اللي كانت ملامحها متغيرة وبتحاول تنفذ نصيحة شروق ببرود تام
رؤوف : فكرتي
ميساء رفعت راسها وبصتله بعين جامدة وقالت بصوت هادي خلى رؤوف يستغرب :
ميساء : أنا موافقة يا رؤوف بكرة نكتب الكتاب
رؤوف اتسمر مكانه وبص لها بشك مكنش مستني الهدوء ده أبدا قرب منها خطوة ورفع ذقنها بـ إيده
رؤوف : الموافقة دي من ورا قلبك ولا ناوية على إيه يا بنت الناس
ميساء بابتسامة باردة وهي بتشيل إيده من على وشها بنعومة : مش إنت اللي قولت إنك مبتاخدش إذن حد أنا بس ريحتك ووافقت مبروك عليك يا عريس
رؤوف عينه اسودت أكتر وحس إن فيه حاجة غلط بس برودها خلاه يتجنن خرج من الأوضة وهو مش فاهم إيه اللي قلب حالها كدة
ونزل تحت بعد م جمعهم
رؤوف كان واقف في نص الصالة وهيبته مرعبة صوته طلع زي الرعد وهو بيحسم الأمور