زياد فضل واقف تحت يلمس إيده اللي لمست إيدها وهو مش فاهم ماله وكل شوية يفتكر نظرة عينيها ويضحك لوحده
دخلت شروق أوضة ميساء
وشافت ميساء قاعدة على السرير بتعيط ومنهارة قفلت الباب بهدوء وقعدت قدامها وهي بتلعب في خصلات شعرها :
شروق : ميساء( اسمعيني كويس )Listen to me أنتي بتتعاملي مع أبيه رؤوف بطريقة غلط خالص الطريقة دي مش هتوصلك لحاجة مع راجل زي ده
ميساء بصت لها بدموع واستغراب : قصدك إيه يا شروق إنتي مش شايفة بيعمل فيا إيه وبكرة عاوز يجوزني غصب
شروق بابتسامة مكر ونعومة : رؤوف A leader (قائد) وبيحب السيطرة لما بتعنديه بياخد الموضوع تحدي وبيقسى أكتر نصيحتي ليكي وافقي Just say yes (قولي أيوه )بس ومن جوه البيت تقدري تروضي الوحش ده بطريقتك وتجننيه علشان كده وافقي
ميساء بصدمة : أنتي عاوزاني أستسلم يا شروق
شروق هزت راسها بنفي وهي بتعدل السلوبيت بتاعها ببرود : Not surrender (مش استسلام )ده ذكاء في لندن بنتعلم إن القوة الناعمة بتهزم أي سلاح وافقي ببرود وهدوء وخليه هو اللي يلف حوالين نفسه عشان يرضيكي خليه يحس إنه امتلكك كجسم بس روحك لسه بعيدة وقتها هينهار قدامك الراجل اللي زي رؤوف بيموت في البنت الهادية اللي مبيقدرش يكسر عينها