شروق لوت بوزها بتمثيل الزعل وبصت لزياد وقالت بصوت ناعم خلاه يحس إنه عاوز يرضيها بأي طريقة
شروق : زياد You are a liar(إنت كداب) إنت قولت إنك بطل وهتساعدنا ليه خفت من أبيه رؤوف
زياد قرب منها وهمس لها وهو بيحاول يداري لمعة عينه وهو بيبص لشروق
زياد : أنا هعمل كل اللي يريحك بس بلاش السفر ده عشان أنا مش ههون عليا تسيبي البيت وتمشي بالسرعة دي
شروق ابتسمت بمكر وغمزت لزياد اللي فضل واقف مكانه مبهور بضحكتها ونعومتها
ميساء بصت لشروق بغيرة مكتومة وزقت إيدها وطلعت
السلم وهي بتعيط من كتر الضغط ورؤوف عينيه كانت بتلاحقها لحد ما اختفت جوه الأوضة
ماهيتاب كانت واقفة فوق وشافت المنظر وبصت لرؤوف ببرود وقلق على بنتها
ماهيتاب : ميساء مش هتستحمل الطريقة دي يا رؤوف البنت بتنهار وإنت مصمم على اللي في دماغك
رؤوف رفع راسه وبص لماهيتاب بنظرة هادية ورزينة بس فيها قوة ومسؤولية
رؤوف : وافقي إنتي بس يا ماهيتاب هانم وميساء بكرة لما تبقى في بيتي وباسمي هعرف إزاي أطمن قلبها وأصلح اللي اتكسر بس هي دلوقتي محتاجة اللي يلمها مش اللي يدلعها
شروق جريت على ماهيتاب وحضنتها وقالت بصوت ناعم سمعوا زياد اللي كان واقف تحت ومبتسم غصب عنه
شروق : مامي He is a monster(هو وحش) بجد بس زياد طلع So cute( لطيف قوي) وشكله مش عاوزنا نمشي عشان اتعود علينا
ماهيتاب بضحك وهي بتقرص خد شروق
طب اطلعي ي اختي شوفي ميساء ال اي لطيف اوووي