رؤوف وقف مكانه ولف لميساء بصلها نظرة خلت الدم يهرب من عروقها وقال ببرود يقتل
رؤوف : السفر ده في أحلامك يا ميساء والكتب كتاب بكرة ورجلك مش هتخطي برا عتبة الفيلا والكل يركب دلوقتي ومسمعش حس واحدة فيكم
شروق ركبت العربية وهي بتبص لزياد بأسف وبتقول بصوت واطي
شروق : زياد Help us زياد (ساعدنا) أنا مش عاوزة ميساء تتجوز الراجل المرعب ده غصب عنها أنا خايفة عليها منه قوي
زياد غمز لها وهو بيركب جنبها ومسك إيدها الناعمة خلى شروق تبتسم
وصلوا الفيلا ورؤوف نزل ورزع باب العربية وراه وبص لزياد بحدة مرعبة
رؤوف : زياد خد البنات على فوق وملمحش رجل واحدة فيهم برا الأوضة لحد ما المأذون يجي بكرة فاهم
ميساء نزلت من العربية وبصت لرؤوف بتحدي وغل وهي ماسكة إيد شروق
ميساء : أنا مش هقعد في البيت ده يا رؤوف ومامي جهزت الشنط وشروق قالت لزياد إنه هيسفرنا بليل ومحدش يقدر يمنعنا
رؤوف بص لزياد بنظرة صقر كانت هتاكله وزياد اتوتر وبص في الأرض بسرعة وحاول يداري إحراجه
زياد : يا كبير أنا كنت بهزر معاهم بس عشان أهدي الجو أنا أقدر أكسر كلمتك برضو
رؤوف قرب من ميساء ببطء مرعب ووقف قدامها لدرجة إن ميساء رجعت خطوة لورا من هيبته
رؤوف : سمعتي اطلعي على أوضتك ومسمعش حسك