رؤوف شدها من دراعها ودخلها البروفة وقفل الباب عليهم بعنف
وزياد كان واقف برا مبهور بشروق وهي بتقول لزياد بدلع : Do you think he will kiss her (تفتكر هيبوسها)
رؤوف حاصر ميساء جوه البروفة وضهرها لزق في المراية وجسمه كله كان ضاغط عليها لدرجة إنها مكنتش عارفة تتحرك وعينيه كانت بتطلع شرار مرعب
رؤوف : الفستان ده يتقلع دلوقتي يا ميساء واللبس ده وقسماً بالله ما هتخرجي بيه من هنا لو على رقبتي أنتي فاكرة إنك لما تفرجي الناس على جسمك كدة هكسر كلمتي ده أنا أدفنك هنا ولا إن حد غيري يلمح منك فتفوتة
ميساء حست بدقات قلبه العنيفة من قربه بس ثبتت على موقفها وقالت ببرود مستفز وهي بتبص في عينيه بقوة
ميساء : براحة على أعصابك لطق يا معلم مش إنت قولت إني مجرد اسم وبعدين شروق قالت إنه Very sexy عليا وأنا عاجبني وعاوزة أشوف هتعمل إيه
ميسااااء اتعدت من شروق
رؤوف فقد سيطرته تماماً ومسك وشها بـ إيديه الاتنين وقرب منها بغل وهو بيهمس قدام شفايفها بصوت يرعب
رؤوف : هوريكي هعمل إيه يا بنت ماهيتاب أنتي ملكي أنا والاسم اللي أنتي مستهونة بيه ده هحفره على قلبك بكرة ومحدش في الدنيا له حق يلمح منك شعرة غيري
رؤوف فجأة هجم عليها وباسها بقوة وعنف كأنه بيعاقبها على لبسها وعلى برودها وميساء حاولت تقاومه في الأول بس ملمس شفايفه خلى جسمها كله يترعش واستسلمت له غصب عنها وهي سامعة صوت شروق من برا