فكت القميص كله وظهر صدره العريض وعضلاته ميساء طلعت الروج الأحمر من شنطتها وقربت منه لدرجة إنها بقت في حضنه تماماً ورسمت حرف (M) ببطء مستفز على جلده ناحية قلبه
رؤوف كان بيتنفس بصعوبة وصدره بيطلع وينزل تحت سن الروج وعينه منزلتش من على عين ميساء ميساء
خلصت وبصتله بتحدي وقالت بصوت مهزوز : أدي حرفي عشان تفتكر دايماً إن ميساء علمت عليك
رؤوف في اللحظة دي فقد السيطرة ونسى الحكم ونسى إن شروق قالت ممنوع يلمسها وراح ساحبها من خصرها بقوة لزقها في صدره العريان اللي لسه عليه الروج
وهمس بصوت هز الجنينة :
الحرف ده مش هيمشي غير بالدم يا ميساء وإنتي اللي بدأتي اللعب بالنار
هنا بقى الحج جابر اتنفض من مكانه وزعق بصوت يرعب
الحج جابر : بسسسس إيه المسخرة اللي بتحصل دي إحنا في زريبة إنتي يا بت يا شروق ..واطلعي على فوق واللعب ده ملمحوش في بيتي تاني وإنت يا رؤوف استر نفسك واطلع على أوضتك البت لسه غريبة عنك
رؤوف قام وقف فجأة وبحركة وحدة سحب ميساء معاه لدرجة إنها لزقت في صدره وبص للحج جابر بجمود وقوة
رؤوف : تصبح على خير يا حج وتصبحوا على خير جميعاً كفاية سهر لحد كدة عشان ورانا مأذون الصبح والعروسة محتاجة ترتاح مش كدة يا ميساء