وفجأة ومن غير مقدمات الحج جابر رفع عصايته ونازل بيها طخخخ على دماغ سراج
سراج فز من مكانه وهو ماسك دماغه بوجع وحنان صرخت من الخضة
الحج جابر بزعيق وهيبة : جرى إيه يا روح أمك منك ليها إنت صدقت يا ولا نسيت إن أبوك قاعد دي لعبة يا ابن جابر مش شهر عسل في نص الجنينة
الكل انفجر من الضحك حتى ماهيتاب وزهرة مكنوش قادرين يمسكوا نفسهم من منظر سراج وهو مذهول وماسك دماغه
سراج بوجع مضحك : آه يا دماغي جرى إيه يا حاج مش إنت اللي قولت نكمل اللعب
الحج جابر بحدة مضحكة : قولت نلعب مقلتش تلطخ سمعتنا في الجنينة اقعد يا ولا بدل ما أجيب أجلك مفيش بوس تاني ….والا والله مفييي فرح
رؤوف في اللحظة دي ضحك ضحكة رجولية عالية لأول مرة من بداية السهرة وقرب من ودن ميساء وهمس لها بغل وهو لسه ضاغط على خصرها : شوفتي الحج جابر اللي إنتي مستقوية بيه هو أول واحد هيقف لك لو فكرتي تتخطي حدودك معايا استعدي بقى عشان أنا معنديش عصاية أنا عندي حساب تاني خالص
ميساء بصتله ببرود وحاولت تداري ارتباكها من قرب صوته : ابقى وريني هتعمل إيه يا معلم
شروق صفقت وقالت : That was hilarious(ده كان مسخرة) أبيه سراج أخد على دماغه بجد……. يلا يا جماعة شروق لفت الإزازة بضحكة شيطانية وهي بتبص