رؤوف في اللحظة دي فقد السيطرة تماماً حدف كاس المية اللي في إيده على الأرض اتكسر ميت حتة وهجم على زياد رفعه من قميصه
رؤوف بصرخة غضب : ده أنا هطلع روحك في إيدي يا زياد بتتغزل في مراتي قدامي يا روح أمك
الحج جابر وقف وبص لرؤوف بحدة وزعق فيه
الحج جابر : سيبه يا رؤوف جرى إيه يا واد إنت هتستقوى على أخوك الصغير وإحنا قاعدين قولتلك دي لعبة والبت لسه مباقتش في عصمتك عشان تتحكم فيها كدة اقعد مكانك بدل ما أقوملك أنا
رؤوف ساب زياد وهو بينهج من الغيظ وبص لميساء اللي كانت واقفة بتمسح إيدها بمنديل وبتبتسم ببرود وعينيها بتقوله لسه اللي جاي أصعب
شروق ضحكت بمكر وقالت : (Keep calm Big Boss) اهدى يا كبير
رؤوف في اللحظة دي كان واصل لقمة انفجاره بص لوالده الحج جابر اللي كان بيحمي لعبهم ونظراته كلها لوم وبعدين بص لزياد اللي كان بيعدل قميصه بخوف ورجع عينه لميساء اللي كانت لسه واقفة ببرودها المستفز
رؤوف خد نفس عميق وطلعه بصوت مسموع كأنه بيحاول يفرمل بركان جواه وقال بصوت جهوري وهادي بس يرعب :
ماشي يا حج أنا هقعد احتراما ليك وكلمتك مش هتنزل الأرض واصل
وفجأة وبحركة سريعة زي البرق مد إيده القوية وشد ميساء من دراعها بقوة خلتها تترمي في حضنه وهو قاعد وقعدها جنبه بالعافية وحاوط خصرها بإيده وضغط عليه بكل قوته لدرجة إن ميساء شهقت وحست إن عضمها هيتكسر في إيده