رؤوف أول ما شاف الإزازة وقفت عندهم قبض على إيده لدرجة إن عروق دراعه ظهرت تحت القميص الأسود وبقى شكله يرعب
شروق صفقت بصوت عالي : Oh my God يا إلهي للمرة التانية زياد وميساء ده فيه كيميا مش طبيعية يا جماعة ميساء بما إنك الجرأة المرة دي التحدي أصعب عوزاكي تأكلي زياد من الفاكهة اللي قدامك دي بإيدك وزياد يهمسلك بكلمة حلوة في ودنك
جابر مش عاجله كل اللي بيحصل بس علشان روؤف أسلوبه وحش عاوزه يغير ويقدر ميساء
رؤوف قام وقف فجأة زي البركان وصوته طلع هز المكان
رؤوف : ورحمة أبويا يا شروق لو ما سكتي لهكون قالب التربيزة دي باللي عليها عليكي …. زياد قسماً بالله لو قربت منها لهكون دافنك مكانك
ميساء ببرودها القاتل مسكت حتة فراولة وبصت لرؤوف بتحدي ونظرة مستفزة وراحت قربت من زياد اللي كان مرعوب بس ميساء همست له : متخافش الحج جابر موجود
ميساء بابتسامة ناعمة : افتح بؤك يا زياد اللعبة بتقول كدة
زياد بلع ريقه وبص لأبوه الحج جابر اللي كان بيضحك ومستمتع بمنظر رؤوف وهو بيتحرق فزياد اتشجع وأكل الفراولة من إيد ميساء وقرب من ودنها وهمس بصوت
عالي شوية عشان رؤوف يسمع : إنتي زي القمر النهاردة يا ميساء الاحمر لايق عليكي اووي ناار