الحج جابر بصوت قاطع : أخوك يعني سترها وعرضها وده لعب عيال وإنت اللي قلبته نكد اقعد مكانك واحترم وجودي واللعبة هتكمل والرقصة هتخلص قوم يا زياد كمل رقصتك مع بنت خالتك ومسمعش صوتك يا رؤوف لحد ما يخلصوا
رؤوف اتصدم من رد فعل أبوه وقعد مكانه وهو بيغلي والنار بتاكل في قلبه وميساء رجعت لحضن زياد بابتسامة نصر مستفزة وغمزت لشروق شروق ضحكت
بصوت واطي وقالت : Look at him بصوا عليه He is burning (هو بيتحرق) من الغيرة برافو يا ميساء
وفضلت ميساء ترقص مع زياد وقت طويل تحت نظرات رؤوف المرعبة اللي كانت كفيلة تحرق الجنينة كلها باللي فيها
الرقصة خلصت وميساء بعدت عن زياد وهي بتعدل شعرها ببرود وعينها جت في عين رؤوف اللي كان ماسك كاس المية في إيده وكأنه عاوز يكسره من كتر الضغط هو مستغرب القطه طلعلها ضوافر امته
شروق صفقت بحماس ونطت في مكانها
شروق : That was amazing (كان يجنن) ميساء إنتي طلعتي Dancing queen (ملكة رقص) يلا يا جماعة الدور الجاي الإزازة لسه فيها لفة
شروق لفت الإزازة بكل حماس وهي بتضحك
شروق : Let’s see who is the lucky one (نشوف مين المحظوظ) اللعبة لسه في أولها والجو بدأ يسخن أوي
الإزازة لفت ووقفت عند زياد وميساء تاني