طلعوا كلهم الجنينة والجو كان يجنن تحت ضوء القمر
ماهيتاب قعدت بوقارها وجنبها زهرة وجابر اللي كانوا ميتين من الضحك على منظر رؤوف وميساء قعدوا في
حلقة وشروق جابت إزازة وحطتها في النص
شروق لفت الإزازة بضحكة خبيثة وهي بتبص لميساء وزياد والكل قاعد مستني الشرارة اللي هتحصل الإزازة دارت بسرعة ووقفت عند ميساء والناحية التانية كانت عند زياد
شروق صفقت بحماس : Oh my God(يا إلهي )دي بدأت تحلوّ أوي ميساء بما إن الإزازة اختارتك إنتي وزياد فالجرأة بتقول إنكم لازم ترقصوا Slow danceعلى أغنية أجنبية هادية وممنوع حد فيكم يسيب التاني غير لما الأغنية تخلص
رؤوف السيجارة ولعت في إيده وعروق جبهته برزت بشكل يرعب وصوته طلع زي الرعد : محدش هيقوم من مكانه واللعبة دي انتهت لحد هنا ميساء اطلعي على أوضتك حالاً
ميساء ببرود أعصاب مستفز قامت وقفت وعدلت فستانها الأحمر وبصت لزياد ومدت إيدها بجرأة : ليه يا رؤوف إحنا بنلعب وزياد زي أخويا يالا يا زياد
زياد كان مرعوب وبص لرؤوف بخوف بس ميساء شدته من إيده بقوة ووقفته في نص الحلقة شروق شغلت أغنية هادية جداً بصوت واطي وميساء حطت إيديها الاتنين ورا رقبة زياد وقربت منه جداً وزياد حط إيده على خصرها وهو جسمه بيتنفض من نظرات رؤوف اللي كانت كفيلة تقتله مكانه