شروق صفقت تاني بإعجاب : Wowواو إنتو Sweet couple( ثنائي عسل )قوي
عم جابر ضحك وقال بطيبة : خلاص يا سراج إن شاء الله نخلي فرحك أنت وحنان مع فرح رؤوف وميساء في يوم واحد ونعمل ليلة العمر
رؤوف اللي كان لسه بيحاول يستوعب بوسة ميساء وجرأتها اللي شعللت ناره رد بجمود وهو بيبص لميساء بتحدي ونظرة مخيفة
رؤوف : لا يا حج أنا فرحي هيكون في يوم لوحده ميساء هانم ليلتها لازم تكون ملكها هي بس ومحدش يشاركنا فيها
ي ولااااااا والله انت محتاج ضرب الجزمه 
ميساء بصتله وابتسمت واستغربت كلامه وبعدين ابتسمت ببرود مستفز خلاه يغلي من جوه وكأنها بتقوله : استعد للي جاي يا عريس
……
بعد ما رؤوف قال كلمته بإن فرحه هيكون لوحده ساد صمت تقيل قطعه صوت شروق وهي بتسقف بحماس
شروق بضحكة رنانة : No no لا لا يا أبيه إيه الملل ده إحنا لسه مخلصناش السهرة واللمة دي محتاجة شوية شقاوة قبل حبسة بكرة يا زياد يا سراج مامي يا طنط زهرة إيه رأيكم نطلع الجنينة ونعمل سهرة صراحة وجرأة بس الأسئلة هتكون Extra spicy(حراقة زيادة) على طريقتي
زياد صفر بصوت عالي وقام وقف جنبها وهو بيغمزلها : أيوة بقى يا لندن إنتي جيتي في منطقتي يالا يا حاج جابر يالا يا ست الكل يا زهرة ….الفيلا محتاجة شوية فرفشة