حنان حضنت خالتها بحب وماهيتاب سلمت عليها ورحبت بيها
وقامت ماهيتاب بتقديم شروق ليها : دي شروق يا حنان
حنان تنحت وبصت لشروق من فوق لتحت بذهول تام وقالت بعفوية صدمت الكل
حنان : بنتك هو إنتي اتجوزتي يا خالتو وخلفتي البنت القمر دي إمتى
ماهيتاب ضحكت بهدوء ولحقت الموقف بسرعة : لا يا حنان دي بنت صاحبة عمري في لندن وتعتبر بنتي انا اللي مربياها بنتي اللي مخلفتهانش وجباتها معايا تغير جو وتشوف مصر
شروق بابتسامة رقيقة قربت وسلمت على حنان بحرارة : Nice to meet you( مبسوطة إني شوفتك )يا حنان مامي حكتلي عنك كتير
حنان بابتسامة : أهلاً بيكي يا شروق نورتي بيتك التاني يا جميلة
وبعدين شروق لفت لسراج وسلمت عليه وهي بتبص لملامحه : وإنت كمان يا سراج مامي قالتلي إنك طيب قوي وشكلك فعلاًHandsome (حليوة )خالص
سراج بضحكة صافية وعفوية وهو بيبص لها كأنها طفلة صغيرة : تسلمي يا شروق إنتي اللي قمر وزي أختي الصغيرة بالظبط نورتي مصر يا باربي
حنان ضحكت بكسوف بس غارت سيكا وقالت : في إيه يا شروق اهدي شوية مش من اولها كده
الكل قعد وبدأ الهزار وعرفوا إن كتب كتاب ميساء بكرة سراج بص لعم جابر وقال بضحك
سراج : والله كدة ظلم يا عم جابر كتب كتاب ميساء بكرة وفرحي أنا وحنان لسه حرام عليكوا أنا عاوز أتجوز البت دي وتيجي بيتي