ميساء توترت جداً وأنفاسه كانت بتحرق وشها ومقدرتش تنطق كلمة واحدة من كسوفها فجأة زقته بضعف وقامت تجري بصعوبة ودخلت أوضة اللبس وقفتلت الباب وراها بسرعة وهي بتنهج وقلبها بيدق بعنف
رؤوف وقف مكانه وانفجر في الضحك ضحكة رجولية عالية رنت في الجناح كله وهو بيقول لنفسه:
— والله ووقعت يا ابن جابر.. وما حد سمى عليك
رؤوف بعد ما ضحك لبس تيشيرت خفيف وراح خبط على باب أوضة اللبس بهدوء:
— ميسو.. افتحي يا حبيبتي أنا طلبت الفطار وهينزل كمان شوية اجهزي عشان النهاردة يوم طويل عندنا جلسة مع دكتور آدم
ميساء من جوه كانت بتحاول تلبس هدومها بصعوبة لبست دريس واسع ومريح عشان الوجع وفتحت الباب وهي لسه وشها محمر رؤوف أول ما شافها مسك إيدها وباس باطن كفها برقة:
— لسه زعلانة
ميساء بصتله بطرف عينها بصت قطط كده:
— مش زعلانة.. بس أنت همجي يا رؤوف بجد مكنتش متخيلة إنك كده حته كلامك وحش
رؤوف غمز لها بوقاحة محببة:
— الهمجية دي مابتطلعش غير معاكي وبعدين ما أنا كنت حنين في الآخر.. ولا نسيتي
ميساء ضربته بالشنطة في كتفه وجريت على السفرة
عشان تهرب من كلامه اللي بيخلي دمها يغلي
***********
بينما كانت نيران الشوق تشتعل في نيويورك كانت الفيلا في القاهرة تشهد زلزالا من نوع آخر سراج كان قاعد في جناحه والسرير متغرق شنط ماركات عالمية جابها أونلاين وموصي عليها مخصوص ونققها حتة حته