سلطان هز راسه بشموخ وهو بيميل لقدام شوية:
— المال والبنون زينة.. بس الهيبة هي اللي بتحميهم وأني في الصعيد كلمتي هي القانون اللي يغلط يتحاسب واللي يوفي يتشال فوق الراس وعاوزك تعرف يا ولد العم إن ظهري ليك سد.. اللي يمس شعرة من عيلتنا في القاهرة حسابه يوصل عندي في الجبل
رؤوف ابتسم نص ابتسامة فيها فخر ونفخ الدخان بعيد وهو بيقول:
— وده العشم برضه إحنا النهاردة بنثبت الوتد.. فرح سراج بعد بكرة وعاوزك تكون واقف جنبي في الاستقبال عاوز الكل يعرف إن عيلة المعلم وفروعها يد واحدة من شمالها لجنوبها الهيبة بتزيد لما الرجالة تتشد ببعضها اه انت الهواري واحنا المعلمية بس طول عمرنا ايد واحدة
امال صح في فين الجد منصور مجاش ليه
سلطان بهيبة :مشاغل حقكم علينا علشان كده بعتني وانا وهو واحد
سراج دخل في الكلام بذكاء:
— فعلاً يا سلطان وجودك معانا كمل الصورة إحنا هنا يمكن بعدنا بس في الآخر الدم بيحن للأصول.. وقعدتنا دي هي اللي بتبين مين الكبار
سلطان بص لسراج نظرة فاحصة وبعدين رجع نظره لرؤوف وقال بكلمة واحدة فيها خلاصة القعدة:
— الرجالة أفعال يا ولد العم.. وأني شوفت في عينك فعل الرجال بكرة لما نوجف في الفرح الكل هيعرف إن العيلة ليهم رب يحميهم وكبير يحكمهم وانا علشان كده جيت لما عرفت الناس اللي بيوقعوا بنا ووصلي كل حاجه