زياد وهو بيمسح دموعه من الضحك: يا عم اهدى بس وحق الله منظرك دلوقتي يسوى ملايين. أنت أكيد نسيت تغطي الحلة يا فالح صح
رؤوف زعق فيه: وأنا مالي أنا بالغطا والزفت ما أنت اللي قلت حط ذرة وزيت وسكت أنا وشي بقى عبارة عن بقع زيت وفشار في كل حتة والبيت ريحته بقت حريقة
أعمل إيه في الخرابة دي دلوقتي اجيب مين دلوقتي يروق
زياد حاول يتماسك ويتكلم بجدية وهو لسه بيضحك: اسمعني يا معلم.. ارمي اللي في إيدك وادخل خد دش ونضف نفسك وحط من البرفان التقيل بتاعك والمرة دي هتعمل الفشار صح يا غشيم هات حلة حط شوية زيت صغيرين مش القزازة كلها واستنى لما الزيت يسخن، وغطي الحله يا رؤوف غطي الحلة الله يهديك علشان الفشار ما يطيرش تاني
رؤوف نفخ بضيق: والله يا زياد لو باظت تاني أنا هسيب ده كله وهنزل أدفنك مكانك في الفيلا اقفل يا واطي اقفل
رؤوف قفل السكة وهو بيبرطم بشتايم لزياد ودخل المطبخ تاني بحذر وكأنه بيفكك قنبلة المرة دي غطى الحلة وسمع صوت الطرقعة من غير ما في حاجة تطير في وشه
بعد ما رؤوف خلص معركة المطبخ ونضف نفسه، خرج الصالة وبدأ يجهز قعدة السهره زبط الكنبة الكبيرة وحط المخدات وشغل التلفزيون وحط طبق الفشار اللي ريحته كانت مالية المكان
دخل الأوضة لقى ميساء لسه مدية ضهرها للباب ونايمة ببرود. قرب منها وقال بصوت رجولي هادي:
“ميساء.. قومي يلا محتاجك في حاجه مش هينفع تسيبيني قاعد لوحدي