اقترب منها ووضع يده على خصرها بتملك، لكن ميساء انتفضت كأنها لمست ناراً ولفت وجهها له ببرود قاسي ونظرة جمدت الدماء في عروقه، ثم أشارت له بيدها نحو الباب بمنتهى القسوة والوضوح.. “اخرج بره”
رؤوف ابتسم ابتسامة تحد وقرب من أذنها وهمس بجرأة: ماشي يا ميساء.. حقك اطروديني ببرودك ده دلوقت.. بس بكرة تبقي في حضني وقتها مش هتعرفي تهربي مني
خرج رؤوف وهو يشعر ببركان داخله أمسك هاتفه واتصل بزياد. علشان يفك عن نفسه ويطمن عليه
في الفيلا.. عند زياد
زياد كان لسه مرمي على السرير بيضحك ومنتشي بعد اللي حصل رد على رؤوف بصوت كله شقاوة:
إيه يا عريس طمني الجو ربيعي ولا خريف
وميساء عاملة اي
رؤوف اتنهد بضيق: البنت قلبت باردة يا زياد مابقتش بتخاف بقت بتبص لي ببرود يحرق الدم طردتني من الأوضة بنظرة عينيها
زياد ضحك بصوته كله وهو يتمدد على سريره:
اسمع مني البنت مكسورة ومحتاجة تحس براحه خليك انت بقي سندها وحبيبها وخارجها من اللي هي فيها
قوم واعمل سهره كده ادخل المطبخ واعمل فشار وشغل فيلم رومانسي هادي واقعد جنبها
رؤوف انفجر في الضحك بسخرية: أنت بتقول إيه يا واد أنت.. أنت واعي للكلام اللي بتقوله ؟ بقى المعلم رؤوف بجلالة قدره يدخل المطبخ يطرقع فشار ويقعد يتفرج على أفلام حب ونكد.. أنت شكلك الحادثة طيرت برج من نفوخك خالص