البارت الثالث عشر في فيلا الحج جابر كان زياد ساند ضهره على السرير وفاتح قميصه علسان الجرح وكان ماسك الموبايل وبيضحك وهو بيكلم بنت
فجأة دخلت شروق وهي شايلة صينية الأكل وشافت المنظر المستفز ده ووشها قلب ألوان
شروق خبطت الصينية على التربيزة بقوة وقالت بضيق:
زياد انت لازم تاكل ده دكتور قال لازم أكل Healthy ( صحي) علسان الجرح ينم بسرعة وبطل كلام مع بنات علسان انت تعبان بجد
زياد رفع عينه بتريقة وبص لمنظرها الغضبان وقال
يا ساتر يا رب هو إنتي جايبة لي أكل عيانين وبعدين ماله كلام البنات ما هو بيخلي الجرح يلم أسرع من الأكل بتاعك ده وبعدين قولي يلم يا شروق يلم حرف الياء واللام والميم صعبة دي على لسانك اللي بينقط سكر ده
شروق نفخت بضيق وقربت منه سحبت الموبايل من
إيده وقالت:
أنا لساني بياخد وقت كتير علسان الـ Arabic بتاعكم ده كأنه طلاسم المهم انت كُل وخلاث بطل كلام كتير مع نادين دي علسان هي بنت Crazy (مجنونة) ومش بتحبك
زياد ضحك بمكر وسحب شروق من إيدها فجأة بقوة لدرجة إنها وقعت في حضنه على السرير وبقت قريبة من نفسه جداً وقال بصوت دافي:
نادين وحشة ومجنونة وماشي.. بس انتي مالك محموقة كدة ليه.. هو فيه حد بيغير هنا ولا إيه وبعدين يا بنتي اتعلمي منها الرقة مش جايبة لي شوربة خضار وتقوليلي خلاث وينم