— من أول يوم شوفتك فيه في وأنا قولت البنت دي خطفت قلبي من غير استئذان كنت بحاول أبان تقيل بس من جوايا كنت بتقطع عشان اللحظة دي. النهاردة يا حنة أنتي بقيتي حلالي مراتي على سنة الله ورسوله.. يعني مفيش مخلوق يقدر يمس طرفك طول ما أنا فيّ النفس أنتي أمانتي يا ست البنات وأنا صاين الأمانة بعمري كله
رواية اسيرة عشقه المميت الفصل التاسع عشر 19 بقلم حبيبة خالد – للقراءة المباشرة والتحميل pdf
حنان ردت عليه وهي بتضغط على كتافه بكسوف ورقة:
— أنا كنت بدعي ربنا كل يوم يخليك من نصيبي يا سراج.. كنت بخاف أحلم بيك ليكون الحلم بعيد بس النهاردة أنا في حضنك بجد. أنا ماليش سند غيرك بعد ربنا وأخواتي وامي وأبويا
سراج ابتسم ابتسامة من اللي بتدوب القلوب وباس جبينها بوسة طويلة وهادية قدام الكل وكمل همسه:
— أنا سندك وضهرك وأمانك يا حنان لو الدنيا كلها جت عليكي أنا الحيطة اللي هتسندي عليها ارفعي راسك يا عروسة النهاردة ليلتك وأنا النهاردة أسعد راجل في الدنيا عشان بقيتي نصيبي
في اللحظة دي سراج شدد قبضته على خصرها ولف بيها لفة هادية ومحترفة وخلى شعرها الطويل يطير وراها بمنظر خيالي خطف أنفاس المعازيم.
بعد ما خلصت الرقصة السلو اللي خطفت القلوب سراج طبع قبلة أخيرة على إيد حنان وهو لسه مش مصدق إنها بقت معاه فجأة الإضاءة اتغيرت تماماً والدي جي فجر المكان بصوت قوية أعلنت إن وقت الجنان بدأ بجد