جن جنون رحيق من كلامها و:- ده مش حب ده غباء واهانه لنفسك… صبا مش عايزه أزيد عليكي ب بس خلاص دلوقتي إنتي بقيتي حامل والطفل اللي هيتولد بلاش يدخل هو كمان جحيم النمرود
صبا بعدم فهم :- يعني إيه؟؟
رحيق :- يعني تهربي بإبنك تبعدي بيه عن كل ده وأنا هبقي معاكي
قضبت صبا حاجبيها و:- طب وآدم جوزك
صمتت رحيق قليلاً وهي تمصمص شفتيها و:- ما حدش يستاهل إذا كان أبويا وأمي باعوني ده اللي هيشتريني ما حدش يستاهل أرخص نفسي ولا أهينها علشانه أيا كان
نهضت صبا بتثاقل وتعب وهي تستند علي الحائط :- يبقي إنتي ما حبتيش آدم يارحيق لأن الحب بينسي الوجع وبيخدك لعالم تاني بس ألمه أصعب ألم في العالم
تحاملت صبا حتي وصلت إلي فراشها وبداخلها مشاعر متناقضه بين الفرح والحزن والخوف والحنين والألم كل هذا يفتك بها ولا تملك إلا الدموع
مع حلول الظلام وصل آوس إلي القصر وصعد مباشرةً إلي غرفة ساره طرق الباب عدة مرات قبل أن يفتحه بالمفتاح الذي معه ثم دخل ليجدها تعطيه ظهره وتستند علي ذراعها وهي تنظر إلي الخارج بتجاهل له…
تقدم آوس منها بهدوء وطبع قبل خفيفه علي رأسها و:- عامله إيه
ردت ساره بامتعاض :- كويسه
أمسكها آوس من ذراعها وأجلسها علي كرسي و:- تعالي عايز أتكلم معاكي شويه
آسيرة النمرود. هاجر محمد. حبيبة
جلست ساره وآوس أمامها ظل ينظر إليها للحظات في صمت بنظرات لوم تعرفها جيدا
أعادت خصلات شعرها إلي الخلف باضطراب و:- أ أ أنا ع عارفه إني غ غلطانه ب ب ي بس انت اللي خليتني أعمل كده… التزم آوس الصمت فقط رفع أحد حاجبيه لتتابع ساره :- ما بقتيش تسأل فيا وكل حاجه في حياتك بقت تتلخص في صبا وساره نسيتها خالص
ضغط آوس علي شفتيه السفليه بخفة ثم نهض وهو يتحرك حول ساره و:- :- إيه علاقة صبا بيكي إنتي حاجه وهي حاجه إنتي أختي وبنتي وهي مراتي يعني كل واحد له محور مختلف عن التاني في حياتي وإذا كان علي تقصيري معاكي فده بسبب شغلي مش بسبب صبا أبدا .. بس ده يخليكي تخبي فرحه بحلم بيها من سنين إني أشوفك واقفه وتتحركي قدامي إزاي قدرتي تخبيها عليه