_بعد فتره خرجت صبا من المرحاض بوجه ذابل ومرهق.
أسرعت رحيق إليها تمسك بذراعها و:- شوفتي نتيجة اهمالك في نفسك
شهقت صبا وهي تحاول كتم دموعها وهي تتمتم بوجع و:- أ أ أنا حامل
تركتها رحيق وابتعدت عنها وهي تصيح بصدمه :- نعمممم!! حامل إزاي.. ق ق قصدي من مين. لا لا ق قصدي قصدي ا إنتي إنتي و والنمرود جوازكم تم ي يعني قرب منك وبقيتي مراته رسمي
هزت صبا رأسها وهي تبكي و:- أ أيوه يارحيق أيوه
مسحت رحيق علي رأسها وهي تحوم في المكان بعصبيه ثم هدرت بغضب و:- إنتي غبيه ياصبا غبيه وأنا حذرتك منه إزاي تعملي كده إزاي تسلمي نفسك لواحد زي ده علشان كده رماكي وخلاص ما هو خد اللي هو عايزه هيعمل بيكي إيه تاني
آسيرة النمرود. هاجر محمد. حبيبة
جلست صبا بتعب علي مقعد بجوارها و:- غصب عني يارحيق كنت مسلمه ليه بقلبي ك كنت حاسه ا إنه ا إنه ممكن ي يكون
قاطعتها رحيق وهي تنهرها بتأنيب :- إنه يكون إيه حبك!! هو ده بني آدم طبيعي أصلاً علشان يحب .. وبعدين طب ما أنا كمان حبيت آدم ي بس في نفس الوقت بحاول إني أ أمن نفسي منه لأقصي درجه لأنه وإن كان آدم يقل عنه بس نفس نوعية النمرود
صبا :- يبقي مش بتحبيه يارحيق اللي بيحب بيسلم وما بيفكرش لأي إحتمال للغدر بالعكس بيتعلق في قشه توصله لحبه وأنا حبيت أوس حبيته أوي.. ولحد دلوقتي قلبي مش قادر يكرهه بالعكس عنده أمل يرجع له