تميم بجديه :- من امتي وإحنا صحاب ياساره فاكره كنتي بتقولي لي إيه وإحنا صغيرين
ساره :- مش م مش و ومش عايزه أفتكر
تميم :- كنتي بتقولي لما أكبر مش هتجوز غير تميم. فاكره ياساره
ابتلعت ساره ريقها باضطراب و:- ك كنا أ أطفال و و ودلوقتي ا الظروف ا اتغيرت والنفوس كمان سلام ياتميم
وأغلقت الهاتف دون سماع رد منه وهي تشعر باضطراب داخلي وحنين لذكريات الماضي البسيط الذي تتذكره في طفولتها قبل أن ينتشلها القدر من حياتها السعيده مع والدها وزوجته التي كانت لها بمثابة أم ولم يبقي لها في الحياة سوي آوس
……………………..
تجلس صبا علي طاولة الطعام وهي تحرك قطعة الخبز التي بيدها يمينا ويسارا بشرود في الفراغ
ضربت رحيق أمامها بيدها و:- صباااا
همهمت بانتباه :-
رحيق :- كلي ياحبيبتي
تركت صبا الخبز من يدها و:- ماليش نفس أنا هقوم أنام شويه حاسه إن جسمي كله همدان أوي
أمسكت رحيق يدها تمنعها من النهوض و:- ما لازم ياصباح تبقي تعبانه إنتي من امتي وإنتي ما أكلتيش وكل ما أقولك كلي تقولي ماليش نفس.. أمسكت بقطعة الخبز وغمستها في طبق البيض المقلي ثم دستها في فم صبا لتصرخ وهي تبعد يدها وتمسك ببطنها و:- قولت لك مش قا.. لم تكمل كلامها وركضت إلي المرحاض وهي تمسك بطنها ويدها الاخري تكمم بها فمها