……………………..
طيارتهم طلعت ياباشا والاتنين في طريقهم ليك… هتف بها أحدهم للوسيفر في الهاتف
ضحك لوسيفر بشر و:- يبقي لازم نحضر هديه تليق باستقبالهم.. الرجاله جاهزين ينفذوا
أومأ الرجل بتأكيد :- جاهزين ياباشا وعلي إشاره من سيادتك
لوسيفر :- عايز الاتنين في ظرف 24 ساعه يكونوا عندي الرجاله هيوصلوا بالهيليكوبتر للمكان اللي اتفقتوا عليه
_أوامرك ياباشا
…………………..
بعد انتهاء صبا ورحيق من أداء صلاة الفجر وبعدها طلبت صبا منها الخروج لتمشي في الجو النادي هذا والمريح للأعصاب
في آثناء سيرهما لاحظا حركه غريبه وأصوات في المكان نظر الاثنين إلي بعضهما بقلق وتمسكا بيد واحده
رحيق :- صبا في حاجه غريبه
ضغطت صبا علي يدها واليد الأخري علي بطنها بقلق و:- إيه اللي بيحصل هنا
من بعيد أتي إليهم مجموعه من الحرس ركضا وهم يوجهون أسلحتهم إلي الامام ووأحدهما يصرخ بهم :- ادخلوا جوه بسرعه
رفعت صبا ورحيق رأسهم علي صوت طائره تهبط فوقهم من الأسفل وطلقت ناريه تخترق جسد الحرس المرافقين لهم
انكمش الإثنين برعب ولم تسعفهم قدمهم علي التحرك
خرج من الطائر رجالين ضخام البنيه وتوجهوا إليهم في تلك اللحظه فقدت صبا وعيها من فرط حالة الرعب التي كانت بها أما رحيق فصاحت بهم بترجي حتي اقترب منها أحدهم وضربها علي رأسها بقوه لتفقد هي الأخري وعيها وحملا الإثنين إلي الطائره ورحلوا بهم …