صبا بخوف :- ه ه هم مين؟ آوس مش انت السبب صح
تأملها آوس قليلا ثم نهض بعيدا عنها لتلحقه صبا وتمسك ذراعه و:- رد عليه… إنت اللي عملت كده
آوس بدهشه :- إنتي مجنونه أكيد.. أنا فعلاً السبب في كده بس مش أنا اللي عملت كده ولو عملت فأكيد مش هخاف أقولك وأظن بقيتي عارفه ده كويس
صبا :- يعني إيه انت السبب بس مش انت اللي عملت كده أنا مش فاهمه حاجه
آوس بحده قليله :- مش لازم تفهمي أكتر من إنك مش هتتحركي من الشقه دي لفتره… وقبل ما تسألي وترغي تاني ماشي
تحرك من أمامها خطوه لتلحقه ثانية و:- استني هنا هو إنت مفكر نفسك إيه تطرد وترجع براحتك أنا عايزه أخرج من هنا وعلي فكره انت طلقتني
آوس ببرود :- طلقه واحده وأظن يعني تعرفي في الدين كتير وعارفه إنك لسه مراتي ولو مش مراتي فإنتي برده عارفه إني أقدر أخليكي غصب فاسمعي الكلام بالذوق أحسن
صبا بعناد وتحدي :- لا مش هفضل أنا مش تحت أمر جنابك إنتي طالق لالالا رديتك مش عايزه أشوف وشك تاني لا ده انا هحبسك في الشقه دي إنت ليه بتعمل كده
آوس :- مزاجي
صبا :- وأنا بقي مش تحت أمر جناب معاليك أنا همشي من هنا وحالا
تحركت صبا ناحية الخارج وتوجهة ناحية الباب حاولت فتحه عدة مرات لكنها لم تنجح عادة إليه ثانية لتجده تمدد علي الفراش ويتابعها بهدوء مستفز
ضربت علي الأرض بضيق :- افتح لي الباب… مش هتفتح طيب انا هنط من الشباك حتي لو هنزل جثه