تأملت رحيق البيت بإعجاب و:- الله جميل أوي المكان هنا يأسامه
أسامه بتأكيد :- معاكي حق يارحيق والأجمل صحاب البيت
مسدت الحاجه إكرام علي ظهر رحيق و:- يزين لسانك ويحلي إيامك يازينه تحبي أجهز لكم واكل إيه
رحيق بامتناع :- لا لا شكرا إحنا لسه واكلين في مطعم الحاج عربي.
الحاجه إكرام :- خلاص يبقي ترتاحي إنتي الأستاذ أسامه وتقوموا علي العشا… استني هنادي لك علي همام ولدي الكبير
_هماااااام واد ياهمام
آتي همام ركضا من الخارج و:- ايوه ياما فيه إيه
الحاجه إكرام :- تعالي ياهمام حدانا ضيوف
مسح همام يده في ملابسه ومدها يسلم علي أسامه و:- ياأهلا ياهلا كنت جاي ياما أبويا الشيخ جالي
الحاجه إكرام :- طب يلا خد شنطة الأستاذ حطها عند رشيدي وأني هوصل الجمر دي علي أوضة هنادي اختك
حمل همام حقيبة أسامه علي كتفه :- تعالي ياسي الأستاذ
نظر أسامه إلي رحيق و:- ما تخافيش روحي ما الحاجه إكرام
أبتسمت رحيق وهزت رأسها و:- ما تخافش عليه روح انت
الحاجه إكرام ببشاشه :- ما تخافش عليها ياولدي دي في عينينا
أسامه بتأكيد :- أكيد ياحاجه تسلمي
فاقت وهي تفتح عينيها ببطيئ. رمشت عدت مرات وبعدها فتحت عينيها لتري هيئته الجثمانيه واقفا في الشرفه ويعطيها ظهره
تمتمت بحزن :- آوس
التفت إليها مسرعا :- صبا.. تحرك ناحيتها وجلس جوارها علي الفراش و:- إنتي كويسه.. حد فيهم قرب منك أوعملك أي حاجه