أسامه براحه :- ربنا يكرم أصلك ياحاج
_أنا الشيخ عربي سلام وفيك تقولي يابا الحاج سلام
نهض من مكانه و:- تعالي معايا ياولدي الدار عندي ارتاحوا من السفر وبعدين ربك يحلها
أخذ أسامه رحيق وذهب مع الشيخ إلي بيته……….
صرخ في مكتبه بصوت جوهري وهو يضرب علي سطح المكتب و:- خلاص يأدم جبت أخري ومش هقدر أصبر علي النار اللي جوايا أكتر من كده لازم ناخد الخطوه اللي طال انتظارها لازم أخلص بقي علشان أقدر أرتاح
أدم بقلق علي آوس :- مالك يااوس هو فيه حاجه جديده حصلت
_اوس بضعف :- طلقت صبا ياآدم… مش عارف ليه مأثرة فيا عمري ما تخيلت إن واحده تسيطر عليه في فتره بسيطه كده
آدم بحزن :- طب ليه طلقتها
صرخ آوس بانهيار :- علشان مش عايز يبقي ليا نقطة ضعف تاني مش عايز يبقي فيه حاجه يتلوي دراعي بيها.. عايز انتقم وأنا مش خايف علي حد .. صبا نضيفه أوي ياأدم وبريئه أوي وما ينفعش يدخل حياتها واحد زي عمل كل الجرايم واحد له مغامرات مع مئات البنات قبلها أنا ما تنفعش معايا صبا ما تنفعش
اقترب آدم منه واحتضنه :- اهدي ياأوس اهدي
آوس :- لازم نخلص ياآدم
٢
أومأ آدم وهو يمسد علي ظهره :- هنخلص ياآوس هنخلص
ابتعد آوس عنه علي صوت رنين الهاتف واستعاد جموده وكأن شيئا لم يكن :- مين؟؟؟
_هتعرف لوحدك لما تبص من شباك مكتبك