حاولت صبا التذمر علي أمره و:- لا شكر أنا عايزه أف
قاطعها بلهجه حاده وغاضبه :- أنا مش بطلب منك ده أمر
_آسيرة النمرود. هاجر محمد. حبيبة
نهضت صبا علي مضض وجلست جواره وهي تتمتم بكلام غير مفهوم أثار حنق آوس الذي لكزها بقدمه و:- اطفحي وإنتي ساكته
نفخت بنفاذ صبر وهي تدس الملعقة في الوعاء الموضوع أمامها و:- يابااااااي هووف
أبتسمت ساره وهي تسأل صبا بعفويه :- عملتي المكالمه اللي كنتي عايزاها ياصبا
تحشرج الطعام في حلقها :- كح كح م م مكالمة مكالمة إيه
ساره :- مش كنتي رايحه مكتب أوس علشان تكلمي حد
نظرت صبا إلي آوس بخوف و:- ه ه هو ل لأ.. أ أنا
قاطعها آوس بحده :- اطلعي هاتي موبايلي من فوق
حملقت صبا به وهي تفتح فمها :- هاا
ارتفع صوت آوس قليلا و :- إيه اللي هااا اطلعي هاتي الموبايل اخلصي
نهضت صبا بخوف واتجهت الي أعلي بينما نظرت ساره إلي آوس بتأنيب و:- طب كنت سيبها تكمل أكلها حرام عليك ياأوس الموبايل مش هيطير
ترك آوس الملعقه من يده ونهض وهو ينحني علي رأسها ويطبع قبله حانيه عليها :- أنا شبعت خلصي أكلك واطلعي نامي وبلاش سهر علشان عندك سفر بكره
عبثت ملامحها وهي تتذكر سفرها أمريكا لمتابعة علاجها و:- أوس مش عايزه أسافر
آوس :- اممممم موال كل مره وفي النهايه هتسافري فبلاش نرغي كتير