تحرك النمرود من أمامها دون رد عليها وصعد إلي غرفته لتلحق به وهي تهتف بغضب و:- هو أنا مش بكلمك يابني آدم انت
أخرج ملابسه من الخزانه و:- أنا تعبان وما فيش دماغ للصداع بتاعك دلوقتي
وقفت صبا أمامه بإلحاح و:- طب خليني أرجع و وأنا مش هصدعك خالص
تأفف اوس بضيق وهو يزيحها من أمامه و:- هوووف وسعي خليني أغير…. اه اخرج الاقي تحت وهاتي ساره علشان العشا
أغلق الباب لتضرب الأرض بقدمها بضيق وتغادر الغرفه متجهه الي غرفة ساره التي وجدتها تعبث في الهاتف
صبا بابتسامه و:- مساء الخير
أغلقت ساره الهاتف والتفتت إليها بابتسامه و:- مساء النور تعالي ياصبا
تقدمت صبا إليها بابتسامه و:- يلا علشان تتعشي
ساره :- أوس جه
حركت رأسها بعبث و:- أيوه جه
ساره :- طب اوك يلا ننزل بسرعه لانه بتضايق لو حد اتأخر عليه
تمتمت صبا بصوت منخفض و:- هو على طول متضايق شكله ملبوس اصلا
ساره :- بتقولي حاجه
أبتسمت صبا بمجامله و:- بقول يلا ننزل
……………………….
علي طاولة الطعام جلست صبا بصحبة ساره يتسامران قليلا
صبا :- هو أنا ممكن اتصل بحد من موبايلك
ساره :- للأسف أنا موبايلي بيستقبل بس ما ينفعش اتصل بحد منه غير اوس وآدم وغير كده لأ
صبا :- إزاي ده
ساره :- مش عارفه آوس اللي جايبه