………………..
عزت :- بلغني بميعاد التسليم
……………………….
عزت :- لا طبعا مش هبلغ إنت غبي.. اقفل دلوقتي تبلغني بكل حاجه تعرفها أول بأول.. سلام
أغلق عزت الهاتف وتراجع علي الكرسي باسترخاء وهو يرسم ابتسامة نصر علي فمه .. تلاشت علي صوت الباب الذي فتح ودخل منه شاب يبدو في نهاية العشرين وهو يهتف باستفسار و:- خير يابابا إيه سر الضحكه دي
ابتسم عزت مره اخري وهو يشير إليه بالقدوم :- تعالي تميم جاي في وقتك
جلس تميم أمامه و:- خير يابابا
عزت بغل :- جت الفرصه لأبوك من دهب علشان يرد للنمرود كل اللي عمله معانا أضعاف
تميم بتأفف و:- تاني يابابا انت لسه حطه في دماغك مش مكفيك اللي عمله في علياء ولا اللي حصل لحسن اللي بعته يتجسس عليه كل مره بتيجي علي دماغك انت
نهض عزت واستدار إلي النافذه المواجهه للخارج :- المره دي أنا اللي ههرسه تحت رجلي وهتشوف
نهض تميم باستخفاف وهو يشيح بيده و:- كل مره بتقول نفس الكلام وفي النهايه هيجي علي دماغك إنت ومعاذ اللي ماشي وراك زي التابع مكان ما تقوله وراك يس افتكر إني قولت لك ابعد عن طريق النمرود وبلاش تلعب في عداد عمرك.. سلام أنا ماشي علي الجامعه
في المساء عاد النمرود إلي البيت بعد يوم طويل لتستقبله صبا وبدون مقدمات مدت يدها إليه و:- أنا عايزه ارجع بيت أمي