اشدة لهجة رحيق حده و:- أنا عايزه أشوف صبا.. وكمان عزيز يشتري ليها البيت من ولاد عمها وغير كدا لو طلعت السما بضهرك مش هوافق علي الجوازه وده اللي عندي
_وأنا موافق… تلفظ بها هذا العزيز وهو يخرج من الغرفه التي كان يجلس بها ليلتفلت إليه الجميع فتابع وهو يتقدم منها و:- بس أنا كمان عندي شروطي
ابتلعت رحيق غصه في حلقها وهي تقاوم دموعها و:- وأنا هوافق علي أي حاجه بس مش قبل ما تعمل اللي طلبته منك
هز رأسه بموافقة و:- روحي شوفي صاحبتك وبعدين أبوكي عارف هيعمل إيه أنا مش فاضي أجي هنا تاني
هتف إسماعيل برضوخ و:- أوامرك ياعزيز بيه شهر بالكتير وتكون عندك
أخرج عزيز من جيبه دفتر شيكات و:- وآدي اللي اتفقنا عليه. ارجع من السفر ألاقيها في بيتي
أخذ إسماعيل الشيك من يده بفرح و:- أكيد ياباشا أكيد
رحل عزيز بينما نظر إسماعيل إلي زوجته وإبنته و:- شايفين النعيم والعز ده كله بنتك هتعيش فيه
ألقت عليه رحيق نظرة استحقار وتركته وركضت إلي غرفتها ليهتف هو بفرحه وهو ينظر إلي الشيك و:- بكره تعرف قيمة اللي أبوها عمله لما تشوف العز اللي هتبقي فيه
………………..
في مكان آخر في شركة العزت جروب
هتف عزت بسعاده وهو يتحدث في الهاتف و:- إنت متأكد من اللي بتقوله ده