فزعت رحيق بخوف من صوته و:- و و والله م ما شوفت ح ح حد د د دي ب بنت ق قبلتها في الفندق وطلبت رقمي والنهارده كلمتني و و وقالتلي إنها ك كانت علي علاقه معاك وقالتلي حجات كتير كانت بينكم
زمجر آدم بغضب و:- هي مييين
رحيق بدموع :- م م ما أعرفهاش والله ح حتي حاولت أكلمها تاني رقمها مش بيفتح
حاول آدم أن يهدئ من نفسه إشفاقا علي الخوف المسيطره عليها فتح ذراعه لها :- تعالي
ترددت رحيق فاقترب آدم منها وأخذها بين ذراعيه وتمتم بخفوت وهو يطبع قبله علي رأسها و:- رحيق عارف إني الماضي بتاعي طبيعي يخوفك بس اتأكدي إنك أول واحده أحس إني ملهوف عليها وخايف عليها حتي من نفسي وكل اللي أقدر أوعدك بيه إني عمري ما هجرحك عن عمد
رحيق :- أنا آسفه ب بس والله كنت خايفه
ربت علي شعرها و:- هششش خلاص ما فيش داعي للاعتذار بس إنتي كمان ما ترجعيش للماضي لأنه بتاعي بغلطه بالوحش اللي فيه أو الحلو
رفعت رحيق رأسها إليه و:- والحاضر توعدني إنه هيبقي ليا
ابتسم آدم وهو يحرك رأسه ويسندها علي رأسها و:- هيبقي بتاعنا
أغمضت رحيق عينيها باستمتاع و :- وأنا هصدقك ياآدم
آدم :- واوعدك مش هتندمي ….. وضع آدم يده أسفل ركبتها والآخري خلف ظهرها وحملها لتخرج منها شهقه خفيفه و:- آدم بلاش دلوقتي لو سمحت