نظر إليها والد رحيق وهتف بغلظه :- مش جايين نقعد. امشي قدامي يابت يارحيق ورجلك ما تخطيش البيت ده تاني وإلا هقطعها لك
ابتلعت رحيق ريقها بخوف وهي تدرك أن ما قيل عن صبا قد وصل إليه فحاولت أن تتكلم لتبرر الأمر :- بابا صبا مظلومه والكلام اللي طلع عليها ده كذب والله كذب
فتحت صبا عينيها بقوه وهي تنظر إليها :- كلام!! عليه أنا؟ كلام إيه يارحيق؟؟
جذب والد رحيق ابنته بقوه إلي جانبه و:- كدب ولا صدق أنا اللي عندي بت واحده ومش علي آخر الزمن هخلي سيرتي وسيرة بيتي علي لسنة الناس علشان واحده مالهاش لا اصل ولا فصل زيك ابعدي عن بنتي .. وجه نظره إلي رحيق وهو يهتف بتحذير :- وإنتي علي الله أسمع إسمها حتي علي لسانك هقطع خبرك
*رحلت رحيق مع والده وهي ترسل نظرات اعتذار إلي صبا التي خرت جالسه علي الأرض بعدما علمت بسيارتها التي أصبحت كالعلكه في فم كل أهل الحاره
…………………….
في المساء في شركة النمرود وبالتحديد في مكتب اوس.. يجلس هو وآدم يتحدثان في أحد الصفقات
اوس :- هتسافر يوم السبت هتحجز تذكرة ليوم الاتنين وأنا هحجز لك تذكره بميعاد السبت أول ما هنوصل هيكون ستيف مستنيك هو بس اللي عارف إنك هتروح السبت
حرك آدم رأسه بموافقة و:- تمام وانت خد بالك من عزت هنا