طرقت رحيق الباب وما إن فتحت صبا حتي دخلت سريعاً دون أن تتفوه بحرف وأغلقت الباب واستندت عليه
تفحصتها صبا بقلق و:- مالك يارحيق؟؟ إنتي تعبانه
ابتلعت رحيق لعابها وأخذت بيد صبا وتوجهت إلى الاريكه و:- ما فيش حاجه أنا زي الفل
صبا باصرار :- لا شكلك مش طبيعي هو أنا مش عارفاكي قولي فيه إيه
رحيق بمزاح :- قولت ما فيش ياصاصا.. قولي بقي عملتي إيه امبارح من ساعة ما سيبتك
صبا بتلقائيه :- ولا حاجه هعمل إيه يعني بصلي وأنام وأنام وأصلي
رحيق بترقب :- م ما فيش حد جه زارك
حركت صبا راسها بنفي و:- لا ما فيش.. وبعدين إنتي إن فيه حد غيرك بيزورني
رحيق :- يعني ما فيش أي حد جالك خالص خالص
صبا بريبه من وجهها المترقب :- رحيق فيه إيه؟؟ إنتي بتسأليني عادي ولا عايزه إجابه معينه
حاولت رحيق تغير الموضوع فنهضت وامسكت يدها بمرح :- ولا حاجه ياقلبي بس عايزه أفطر جعانه مووووت قومي نشوف اكل نعمله
………………….
استيقظ اوس وهو يتأوه من راسه ويدلكها بألم . فتح عينيه ليتفجأ من وجوده في بيت داليا لحظات وتذكر ما حدث بالأمس وكلام تلك الصبا الذي جعله يغمض عينيه ويضغط أسنانه بغضب .. اعتدل جالسا ليسحب انينة المياه من علي الطاوله القريبه منه، ارتشف بعض الماء ونهض وهو يأخذ جاكيته من علي الاريكه واتجه إلي الخارج وقبل أن يفتح الباب توقف علي صوت انثوي بهتف ب(دلع) اوس