…………………..
في صباح جديد تسير رحيق في الحاره متجهه إلي بيت صبا لتري نظرات آهل الحاره المريب وهمزهم ولمزهم وهم ينظرون إليها لم تبالي بهم حتي وصلت أمام بيت بيت صبا لتستمع إلي ام اشرف وهي ترمي ببعض الكلمات اللاذعه و:- بنات آخر زمن وهيوسخوا الحاره
التفتت إليها رحيق بنظره ناريه وخطت باتجاها و:- انت بتقولي الكلام ده علي مين ياست انتي
قوست أم اشرف فمها بسخريه وهي تضرب كفا علي اخر :- شوفي ياختي البت ما تعمليش فيها خاضره الشريفه خلاص أهل الحاره كلهم عرفوا حقيقتك إنتي وصاحبتك
صرخت رحيق في وجهها بغضب :- حقيقة إيه؟؟ إيه الجنان اللي بتقوليه ده
أتت أم بطه من خلفها وربتت علي كتفها :- الشهادة لله يابنتي ماحدش شاف منك حاجه بس إنتي زي بناتي ودخولك عند بنت امال هيسوء سمعتك
آسيرة النمرود. هاجر محمد. حبيبة
هدرت بها رحيق بعنف وهي تشيح يدها بعيدا عنها و:- حتي إنتي ياخالت أم بطه بتقولي كده علي صبا
ام بطه بتبرير :- ا انا شوفت بعيني
رحيق بعصبيه :- شوفتي إيه؟؟؟
أم بطه :- شوفت واحد داخل بيت الست آمال بعد نص الليل وفضل قاعد جوه وبعدين خرج
حركت رحيق راسها بنفي وعدم تصديق و:- لا لا مستحيل إنتي اكيد اتهيألك صبا مستحيل تعمل حاجه غلط ده افتراء وكذب.. وتركتهم وتوجهت مباشرة إلي صبا