صبا بارتياح :- طبعاً آدم طلع زي الفارس الشهم وضحي بنفسه علشان ينقذ رحيق صح
رحيق :- أيوه هو ده اللي حصل فعلاً
غمزت صبا وهي تميل عليها بكتفها و:- بس أنا شايفه ان الموضوع تطور أوي أوي
عبثت رحيق في رأسها و:- تقريباً كده… بس قولي لي إنتي بقي إيه آخر تطوراتك وعامله مع الشيطان اللي
قاطعتها صبا وهي تلكزها في كتفها بخفه :- رحيق حرام عليكي ده آوس أطيب واحد عرفته في الدنيا
رحيق بسخريه :- ياعيوني أنا أطيب إيه؟؟
صبا :- يعني آدم هو اللي بلسم وأنا مش واخده باللي الاتنين نسخه واحده مرحبا
رحيق :- طب خلاص بقي علشان آدم مأكد عليه ما اتكلمش عليه والتزم يالكويس بس
صبا :- يعني إيه؟؟
رحيق :- يعني البيه بتاعك خايف إن أنا ألعب في عقلك واخليكي تبعدي عنه
اعتدلت صبا جالسه علي ركبتيها بفرحه و:- بجد يعني هو قال لآدم كده قل إنه خايف أبعد عنه
رحيق :- إيه يابت مالك واقعه كده ليه اتقلي شويه
صبا باشتياق :- حاسه إنه مسافر بقاله شهر يالهووووي وحشني أوي يارحيق همووت وأشوفه
آسِيرَةْ اْلنَّمْرٌودْ. هاجر محمد. حبيبة
رحيق بضيق واستهجان :- صبا إنتي هتشيليني إنتي إزاي تحبي واحد زي ده بعد كل اللي عمله فيكي
صبا :- رحيق إنتي ما تعرفيش أوس كلامك ده علي النمرود صدقيني أوس مختلف تمام عنه أوس فيه كل حاجه تنحب عارفه يبان عليه القسوه بس عيونه كلها حنيه أنا بشوفه بقلبي قبل عيني