عزيز :- إنت مفكر إنك هتعرف تضحك عليه علشان تنفد بجلدك
إسماعيل :- مش هتخسر حاجه ياباشا بس اديني فرصه أسبوع بس ياباشا ولو ما جيبتهاش تقدر تعمل فيا اللي انت عايزه
صمت عزيز بتفكير وبعدها أشار إليه بتحذير :- عارف لو لعبت بديلك كده ولا كده ها
قاطعه إسماعيل :- العب مع مين ياباشا أنا أقدر ده انت كنت تجيبني متعلق
عزيز بتفكير :- فكوه وخدوا الجثه دي ادفنوها في أي حته
إسماعيل بفرحه :- بيقول لكم فكوه فكوني بسرعه
بعد طول انتظار أشفق علي حالها واتصل بها ليبلل مبسم قلبها ويطفئ من لوعة اشتياقها
همست بساعده :- آوس
ابتسم آوس لسماع صوتها و:- عامله ايه
صبا :- وحشتني أوي هترجع امتي
آوس :- أنا لسه ما لحقتش
صبا :- طيب ربنا معاك خد بالك من نفسك… كنت عايزه اقولك شكرا علشان خليتني أشوف رحيق
آوس :- بس ما تاخديش علي كده
صبا :- نعم!!!
آوس :- إيه اللي نعم بقولك ما تاخديش علي كده .. خليت آدم جبهالك علشان أنا مسافر بس
صبا :- هو انت بجد خايف رحيق تخليني أبعد عنك
آسِيرَةْ اْلنَّمْرٌودْ. هاجر محمد. حبيبة
آوس :- ولا هي ولا مليون زيها يقدروا يبعدوكي عني غير بمزاجي غير كده إنتي آسِيرَةْ اْلنَّمْرٌودْ ولا ناسيه
أبتسمت صبا و:- بس أنا مش عايزه أبقي آسيرة النمرود أنا عايزه أبقي آسيرة آوس