أمسك آدم بيده و:- إهدي ياآوس هو معاه حق إحنا اللي صوابعنا تحت ضرسه دلوقتي ولازم نركز في كل خطوه علشان ما يتئذوش بسببنا
نفض آوس يده منه بعصبيه و:- إنت كمان هتقولي إهدي
وتركهم وخرج لينظر آدم الي الرجل و:- روح انت وتبلغني بكل تفصيله تعرفها قبل آوس
رد الرجل برسميه :- تحت أمرك يافندم
…………………
خرجت بترقب وهي تتلفت يمينا ويسارا بحذر حتي شهقت بقوه وهي تراه يقفز أمامها من أعلي السور وهمت بالصراخ و:- يامااام
كمم فمها سريعا وهو يهمس بخفوت :- هششش هتفضحينا اهدي ده أنا تميم
أبعدت يده بقوه وهي تتنفس بسرعه :- قلبي كان هيوقف من الخوف
تمتم باآسف :- آسف ما كانش قصدي أخوفك
أعادت خصلات شعرها الي الوراء وهي تبتلع ريقها و:- أنا كمان انفعلت بزياده
ابتسم بتفهم :- حصل خير.. المهم إنتي عامله إيه إيه
كتفت يدها وهي تبادله الابتسامه و:- كويسه وانت عامل إيه
صمت قليلا يحاول ترتيب ما يريد قوله ثم عزم علي أن يلقي به دفعة واحدة كل هذا وساره تراقبه بدهشه وحاجب مرفوع و:- تميم.. مالك مش علي بعضك كده ليه انت كويس
تميم بتلعثم :- س س سا ر ره
هزت ساره رأسها وهي تحثه علي المتابعه :- هاا ساره إيه
أغمض تميم عينيه بقوه وهو يلتفت الي الجهه الأخري وهتف بسرعه :- ساره أنا بحبك