صمت آوس للحظات ثم رد ببرود وهدوء :- اهدي ياآدم وأقعد
ضرب آدم كفا علي آخر :- أنا مش عارف إنت جايب الهدوء ده منين وكأنه واخد مراتك يفسحها .. ده ممكن في أي لحظة يقتلها
فور نطقه بهذا نهض آوس وهو يصرخ في وجهه بعصبيه :- مش هيحصل سامع صبا هترجع لي زي ما هي وهنكمل حياتنا مع بعض بعد ما أقتله بإيدي
طرقات متتاليه علي الباب وبعدها دلف أحد الحراس مصطحبا رجلا يرتدي ثياب عامل نظافه وفور رؤيته آوس أسرع إليه من بعيد وهو يمسك بيده ويقبلها و:- ساعدني يابيه ساعدني
تعرف آوس علي وجهه فأشار إلي الحارس للخروج وما إن خرج حتي أمسكه آوس من ملابسه بغضب شديد و:- مراتي فين؟؟
حاول الرجل تهدئته و:- اهدي ياأوس باشا أنا جاي لك علشان كده وصدقني أنا ما كنتش أعرف إنه ناوي علي كده واتفجئت بوجودهم في تايلاند
شدد آوس من قبضته و:- أومال إنت لزمتك هنا إيه
_أمسك الرجل بيده وهو يتمتم بتبرير :- ياباشا أنا بقوم بوظيفتي مش بشتغل عند معاليك
تدخل آدم ليبعد آوس عنه و:- سيبه ياأوس هو ذنبه إيه
ابتعد آوس عنه ليلتقط الرجل أنفاسه و:- أنا مقدر وضع سيادتك بس أنا شغلتي الاساسيه تسليم لوسيفر لمصر وطبعا حماية اللي معاه مسؤوليتي بس لازم تتحكم في غضبك شويه علشان تعرف تفكر
كور آوس قبضته بقوه و:- مراتي ومرات صاحبي معاه أصبر لحد ما أشوف جثتهم زي أمي. التفت الي آدم و:- آدم انت معاك حق لازم نتصرف بنفسنا تعالي معايا