فتحت سحاب الجاكت الذي ترتديه ليسقط منه العديد من السندوتشات وبعض أنواع الشيكولاتة
ضحك تميم رغماً عنه وهو يشير إليها بدهشه :- هههههه إيه ده كله وإزاي عرفتي تشيليه كده
ساره ببرائه :- دي لقطه سمعتها في فيلم هندي
ضرب تميم كفا علي آخر و:- إنتي مجنونه أقسم بالله
ساره بمزاح :- ده انا ست العاقلين المهم هتاكل ولا انت محبوس ومافيش عندك نفس للأكل
تميم بحماس من الرائحه التي تخرج من الأكياس :- لا حبس إيه بقي ياريتني كنت انحبست من زمان
ضحكت ساره وهي تفتح أحد السندوتشات وتعطيه له و:- خد أهو كل وادعي لي
قضم تميم قضمه و:- يااارب يحنن قلبك ياساره يابنت عمي وتحبيني
ساره بنفس المزاح :- كل من غير دعاء تاني
ضحك الإثنين وأكملوا طعامهم…..
خرج آوس من سيارته وهو بكامل حماسه الذي يغلبه شيطانه ليتفاجا بعدة سيارات يترأسها آدم
آوس :- إنت إيه اللي جابك
آدم ببرود :- علشان مراتي اللي جوه
لم ينتظر آدم رده ودخل إلي داخل المغاره غريبة الأطوار هذه اندهش حينما وجد المكان فارغا وكذلك آوس
آوس بحده :- دوروا في المكان علي أي حاجه
انتشر الرجال في المكان بسرعه وأخذوا يبحثون به حتي نادي أحدهم بصوت عالي :- في واحده مرميه هنا
ركض آوس وآدم في اتجاهه وفور وصولهم وجدوا رحيق ملقاه في الأرض وجسدها عاري تماما والدماء تغطيها
استدار آوس سريعا وهو يحث رجاله علي الإبتعاد بينما دخل آدم بخطوات بطيئه ونظرات جاحظه بعدم تصديق
اقترب منها وتلمسها بعدم استيعاب لدقائق ومره واحده حملها بين ذراعيه وجذبها إلي أحضانه وصرخ بكل قوته :- رحيييييييييييييييييييق