الخادمه بهدوء :- هنا ما فيش حاجه إسمها لأ لأن عقابها ما تتخيلهوش دي نصيحه ليكي وإنتي شكلك طيبه وبنت حلال وحسيتك زي بنتي
_وضعت صبا وجهها بين كفيها وأجهشت في البكاء لتقترب منها تلك السيده و:- قومي يابنتي ربنا يصلح لك حالك..وحاولي ما تعنديش معاه
_آسِيرَةْ اْلنَّمْرٌودْ. هاجر محمد. حبيبة
رفعت صبا عينيها إليها بحسره و:- أومال أعمل معاه إيه.. أنا عمري ما أذيت حد ولا عملت حاجه وحشه والله في حد
تهندت تلك الخادمه بأسي عليها و:- بس قدرك تقعي تحت ايد اللي ما بيرحمش بس ما تظلمهوش اللي شافه مش شويه
صبا بانتباه :- قصدك إيه باللي شافه
_ارتبكت الخادمه وأدركت ما تفوهت به و:- م م ما فيش… ي ي يلا قومي وانزلي معايا لأنك لو ما نزلتيش أنا أول واحده لعنته هتصيبني وإنت لسه بتقولي إنك ما بتئذيش حد
هبطت صبا معها إلي الاسفل لتري هذا النمرود جالسا علي رأس طاوله لاتكاد تصل إلى نهايتها. دلفت صبا بخطأ مرتجفه وهي تتحاشي النظر الي عينيه . وقفت على مسافه بعيده منه .. ليفاجئها بصوته المتعجرف و:- قربي قدامى هنا
تقدمت عدة خطوات أخري ووقفت. نظر إليها للحظات وبعدها مد ذراعه علي طوله وسحبها من يدها لتجلس علي الكرسي المجاور له وبلهجه أمره :- اطفحي…. !!!
_حاولت جاهده أن تخرج صوتها فاجابته بنبره مرتجفه :- ش ش شكراً م مش عاوزه
أمسك بقطعة خبز ودسها في العسل الموضوع أمامها ورفعها إلي فمها ووضعه بداخله رغما عنها و:- أنا مش بعزم عليكي أنا بأمرك
اغمضت صبا عيونها وابتلعت الطعام رغما عنها وبدون أن تنظر اليه :- إنت عايز مني إيه سيبني في حالي
أجابها ببرود وهو يلوك الطعام في فمه :- عجبتيني