أسامه :- أنا ما اتغيرتش كل الحكايه إني يمكن كنت سلبي أوقات كتير.. بس اللي عرفته ما يتسكتش عليه أنا عرفت مصايب عن عزيز والراجل اللي بره ده عارف عنه كل حاجه بس اللي قبضه مش شويه الفلوس عمته عن بنته
ترقرقت الدموع في عين رحيق و:- الوقت خلاص اتأخر أبوك سلمني ليه ووقع علي الورقه بالوكاله يعني خلاص ياأسامه
أمسكها أسامه من يدها وجذبها و:- قومي أنا مش هسيبك والله ما هسيبك لو هموت قومي دي آخر فرصه ليكي علشان خاطري يلا يارحيق يلا قومي إنتي مش عارفه إيه اللي مستنيكي
رحيق :- ط طب طب وماما
آسامه بجفاء :- ماما.. مش عايز أصدمك بس هي عرفت كل حاجه ووافقت برده علشان الفلوس
رحيق :- أنا مش فاهمه حاجه يا أسامه ماله عزيز
أسامه باستعجال :- ما فيش وقت هاتي شوية لبس بسرعه قبل ما إسماعيل يرجع من بره ولا الست سهام تقوم من النوم… اخلصييييي
أسرعت رحيق ولملمت أشياء قليله تخصها ورحلت مع أسامه هاربه من البيت……
وصل أسامه ورحيق علي محطة القطار لا يعرفون لهم وجهه
رحيق :- أسامه إحنا رايحين فين؟؟؟
شدد أسامه علي يدها و:- مش عارف يارحيق بس فيه قطر طالع أهو هنركب فيه وخلاص اجري يلا
أصبحت رحيق تلهث بشده من كثرة الركض حتي أن حلقها قد جف و:- خلاص ياأسامه مش قادره