………………
في قصر النمرود…
دخل آوس وهو يحمل صبا ليجد ساره في استقباله بنظرات غاضبه بدلها ايها بابتسامه و:- وحشاني ياسرسر هطلع صبا علشان تعبانه وأرجع لك
ساره بغضب :- هطلعها فين؟
همست صبا بجوار آذن آوس :- نزلني
آوس بهدوء :- لأ.. وجه نظره إلي ساره و:- ساره واضح إن في كلام كتير عايزه تقوليه بس مش وقته دلوقتي صبا لازم ترتاح شويه
ساره بحده :- يهمك يعني إنها ترتاح مش انت اللي عملت فيها كده وانت السبب إنها تدخل المستشفي إنت إزاي كده تجرح وجاي دلوقتي تعالج أنا حاسه إني مصدومه فيك ما كنتش أتخيل إنك بالقسوه دي
_ساااااره هتف بها بصوت عالي يملؤه الغضب وتابع :- كويس إنك عرفتي اتعودي علي كده مني بعد كده بقي
حركت صبا نفسها بين يديه لتنجح في التحرر من بين يده بسرعه. نظرت إليه لتري نظرته الحاده عليها ولكنها تجاهلتها وهي تتجه ناحية ساره و:- مين قالك كده ده هو اللي أنقذني
ساره :- أنقذك!! إزاي مش فاهمه
جلست صبا علي ركبتيها أمام ساره و:- وقعت علي دماغي وانجرحت ولو لا آوس الله أعلم كان إيه اللي حصلي والجرح كان بسيط مش مستاهل مستشفي بس اوس هو اللي أصر
مررت ساره نظريها بصمت واستشفاف بين الإثنين فهي تربية آوس وتعرف أنه لا يمتلك تلك العاطفه التي تجعله يشفق علي حالها لأمر هين كما تدعي
همت أن تتلفظ مره لكن قاطعها أوس بحزم :- كفايا كلام كده وبدون مقدمات ألقي في وجهها صدمه أخري جعلت عيونها تكاد تخرج من فرط جحوظها و:- وعلي فكره أنا اتجوزت صبا