ازداد توترتها وخوفها وهي تري تلك الابتسامه التي لا تبشر بالخير أبدا قد ارتسمت علي ثغره وبدأت تلعن نفسها على ما أوقعت نفسها فيه
علي بعد مسافه من الحاره التي تسكن بها رحيق توقف آدم بسيارته بعد طلب منها
تلفتت رحيق يمينا ويسارا بترقب و:- شكراً يابشمهندس .. مش هقدر أقولك اتفضل بعد إذنك
همت أن تفتح باب السياره إلا أن آدم أمسكها من ذراعها بسرعه و:- رحيق لو عايزاني أقف وأمنع الجوازه دي ما حدش هيقدر يقف في وشي ولا يجبرك علي حاجه
تجمعت الدموع في مقلتيها :- أنا ما قولت لكش علشان خاطر أصعب عليك أنا حكيت لأني كان نفسي أخرج اللي جوايا لأنه كان خانقني بس مش هينفع أرجع فيه
آدم :- رحيق فكري كويس
رحيق بحزن :- قولت لك ما بقاش ينفع أبويا خلاص مضي علي ورقة إعدامي وقبض التمن .. مش هوصيك علي صبا
خرجت رحيق مسرعه من السياره ودموعها تنهمر علي وجهها
وصلت رحيق إلي البيت وما إن دخلت حتي وجدت والدها ينتظرها في (الصاله)
:- حمد الله على السلامة ياست هانم
نظرت إليه نظره حانقه وهمت أن تتحرك إلي غرفتها حتي ألقي والدها كلمات جعلت قلبها يقع في قدمها و:- عزيز بيه جاي بكره يعني اعملي حسابك هتمشي بالليل علي بيت جوزك
_شعرت رحيق بدوار أصابها تحاملت علي نفسها حتي وصلت الي غرفتها والقت بنفسها علي الفراش وهي تتمني الموت بدلا من بيعها بثمن بخس يشبع طمع أبيها ويذلها ذلا ما بعده ذل