آوس :- أجلها يومين هأمن أموري في مصر وهجيلك
= تمام زي ما تحب أنا مستعد في أي لحظه
أنهي آوس المكالمه ونهض من المكتب مغادرا الشركه بأكملها وتوجه ناحية القصر
……………….
وصل آوس إلي القصر علي وجه السرعه وتوجه مباشرة إلي الداخل توقف علي صوت ساره وهي تنادي عليه
ساره :- آوس استني عايزاك
صعد آوس باستعجال :- بعدين ياساره مش فاضي دلوقتي
فتحت ساره عينيها وهي توشك علي البكاء من تجاهل آوس لها و:- ساره بقت تهون عليك أوي ياأوس أوي .. هتفت بصوت عال :- داده آسما طلعيني أوضتي… صعدت سار إلي غرفتها وبعد مغادرة آسما نهضت من علي الكرسي المتحرك وضربته بقدمها بقوه ثم بدلت ملابسها وتسللت إلي الخارج خفية دون أن يراها أحد
………………….
فاقت بعد عدة ساعات وهي تمسك رأسها بألم
اصدرت انينا عاليا بعض الشيئ سمعه آدم ودخل سريعا وهو يهتف بمرح :- أخيرا فوقتي أنا شكيت إنك مغم عليكي
أغمضت صبا عينيها وفتحتها عدة مرات وهي تعتدل جالسه و:- ااااه أنا فين؟
آسيرة النمرود. هاجر محمد. حبيبة
صب آدم لها الماء في كوب وناوله لها :- في مكان بعيد مش هتعرفيه
ارتشفت صبا القليل من الماء و:- يعني سجن جديد من بتاع النمرود.. ارتفع صوتها بحده و:- هو عايز مني إيه مش راضي يسيبني في حالي ليييه أنا تعبت منه هو لسه ما خلصش انتقامه مني خليه يرحمني بقي